إيناس عز الدين : عمر اللبس الغالي ولا البراندات بيعملوا قيمة للإنسان

وعلقت إيناس عز الدين على الصورة عبر صفحتها الرسمية على موقع التواصل الاجتماعي فيس بوك قائلة “بكل بساطة ومن غير اي نوع من انواع الخجل والتعقيدات والكلاكيع وعلشان اعرفكم ان قيمة الشيء من قيمة مالك الشيء مش العكس ان قيمة الشخص بما يملك”.

وإضافة “الفستان اللي لبسته امبارح في عرض الازياء ده انا جايباه من حوالي ٤ سنين من اسكندرية من ميامي جمال عبد الناصر من بوتيك كان عامل تصفيات علشان بيبيع المحل ومقاسه ميديام و وقتها كنت بلبس XXL وعجبني ولقيته بتمن كيسين شيبسي فإشتريته و ركنته سنين ما كانش مقاسي لحد ما خسيت وقيسته امبارح بالصدفة ولقيته بقى مقاسي بالظبط و لبسته وعجب الناس وكله بيسألني عنه”.

وأكملت بقولها “سعره بقى كان كام ، 30 جنيه ايووووووووه زي ما قريتوا كده 30 جنيه ، اكيد عندي لبس غالي بس كمان عمر اللبس الغالي والبراندات ما بيخلوا للانسان قيمة الانسان هو اللي بيصنع قيمة لما يمتلك مش العكس المهم الذوق واختيار الشيء المناسب ليك ، اوعى تخلي هدومك اغلى ما فيك”.

وأعلنت إيناس عن بدأ العد التنازلي لاغنيتها الجديدة “مالناش نصيب” والتي سيتم طرحها قريبا ، الأغنية من كلمات سمو الأمير عبد الاله بن فهد وألحان غريب وتوزيع طارق عبد الجابر وإخراج جاد ، إنتاج شركة انا للأستاذ بندر الدوسري.