جريدة كايرو فور
جريدة كايرو فور الاخباري تقدم احدث واهم الاخبار المحلية والعربية على مدار اليوم فى جميع التخصصات الرياضة والفن والاقتصاد والحوادث و المراه والصحة.

اسراء احمد تعرب عن سعادتها الغامرة بالعمل مع تامر حسني

محمد حنفي

اعربت الفنانة اسراء احمد عن سعادتها الكبيرة بالمشاركة في فيلم بحبك بطولة النجم تامر حسني والذي سيطرح قريبا بجميع دور العرض السينمائي.

وقالت اسراء احمد عبر صفحتها الرسمية على موقع التواصل الاجتماعي فيس بوك “طول عمرى بشير اى حاجة فيها  تامر وبتبقى فرحة قلبى مش سيعانى  وفى حاجة جديدة نازله وببقى  ضامنه كدة ان فى حاجة هتفرحنى سواء فيلم او اغنيه او حتى صورة  المرة دى مختلفةشويه  عشان انا موجودة فيها موجودة  جوة حلمى فى فيلم تامر حتى لو ممكن تكون مشاركه بسيطة بس الحقيقة هى كبيرة اوى جوة قلبى ..وملقتش  احسن من الصورتين دول اعبر بيها عن  ان فعلا مراحل عمرى كلها معاك يا تامر والوقفة دى هى وقفتى قدام كل بوستر اى حاجة ليك وكل فيلم كنت بدخلة ميقلش  عن ١٠ مرات وحفظاه  كلمه كلمه”.

واضافت “انا مبسوطة مبسوطة انى وصلت  ليك مبسوطة انك عارفنى مبسوطة ان ربنا خلاك تشوفنى من فيديو  مدته دقيقة انى ممثله  وانا مكنش قصدى انى امثل فيه وبعمله بكل طاقة حب  انى من جمهورك وكان دائما كل سعى بخصوص التمثيل كان  فى المسرح وحلم من احلامى انك تيجى تتفرج على عرض  وبقول  يارب تامر يعجب بيا  ولو معجبتوش هفضل اشتغل على نفسى لغايه مااكبر  وابقى حاجة كبيرة واقول فى كل البرامج انى نفسى اشتغل مع تامر حسنى  وانا بحبة اوي بس ربنا كريم اوى و اراد انك تعرفنى من فيديو  وانا مخضوضة وبيتقالى رايك فيا وبقول يارب هو تامر عرف منين  انى بمثل اصلا”.

وتابعت “شكرا لربنا شكرا لامى ️شكرا  ليك يا تامر انك اخدتنى معاك فى الفيلم شكرا ليك انك تامر ️حبيب قلبى وحبيب كل جمهورك واقرب واحد لينا فى الدنيا

شكرا لربنا ان اول خطوة ليا فى السينما تبقى معاك

شكرا ليك يا تامر …طول عمرك بتساعدنى من بعيد انا وكل جمهورك وانت مش عارف او ممكن متكنش عارف  (قد اية انت بتساعدنا  او بتأثر فينا او بتغير فينا لكل خير وحب ونجاح ) ، ودلوقتى انت بتساعدنى على ارض الواقع  فى حلمى اللى اتعلمت ان احلمه اصلا منك شكرا انك صممت انى اكون معاك ️والحمد الله ربنا كتبها فى فيلم بحبك ويارب   يارب الفيلم ينجح ويكسر الدنيا زى كل افلامك امين يارب ويارب يارب اشتغل معاك عمرى كله واكبر بيك ومعاك   .. شكرا ليك يا نجم عمرى وعمر كل جمهورك والحمد الله  الحمد الله يارب”.

ورد تامر حسني على حديث اسراء احمد بقوله “الله الله على الكلام الجميل اللي بيعرف الدنيا كلها ان لما شخص يحب شخص اوي كدا حتى لو ميعرفوش ان اخلاصه بيرسله طاقة حقيقية بتوصله لما بيقابله في يوم من الايام من غير ولا كلمة او ربنا بيسهل الامور والظروف انهم يتقابلوا ويكون بينهم نجاح بعون الله ، ربنا يوفقك واشوفك انجح الناس يارب وسلمي على ماما لان عمري ما هنسى شكل فرحتها بيكي وانتي بتمثلي معايا وانا منسيتش صورك اللي وريتهالي وانتي في حفلاتي وانتي صغيرة وصوري اللي على حيطان اوضتك انا كمان كان في نجوم كبار صورهم على حيطة اوضتي ومن كتر ما ركزت معاهم ربنا كرمني وحققت زيهم وبقوا اصدقائي زي ما انا وانتي اصدقاء دلوقتي”.

فيلم بحبك من بطولة تامر حسني وهنا الزاهد وهدى المفتي ومدحت اسماعيل وحمدي الميرغني وعدد اخر من النجوم تاليف واخراج تامر حسني.

اترك رد

لن يتم نشر عنوان بريدك الإلكتروني.

Bnia - بنيه - Wmda - ومضة - Waia - وايا - Baianat - بيانات - Raiat - رايات

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد