محمد حنفي
حرص عدد من نجوم الفن على تقديم المساعدة والعون للطفلة رقية والتي اصيبت بمرض نادر وهو ضمور في العضلات.
وكتب الفنان محمد هنيدي عبر صفحته على فيس بوك “القمر دي اسمها رقية .. رقية عندها مرض اسمه ضمور العضلات .. مرض خطير ومالهوش علاج تقريبا .. الا علاج واحد بس في العالم ، حقنة لازم تاخدها قبل ماتتم سنتين .. المشكلة ان فاضل عشر ايام ورقية تتم سنتين وكل ما الوقت بيعدي .. فرص رقية بتبقى اقل .. الحقنة تكلفتها 2 مليون دولار … مبلغ كبير مش كدة؟! … بس لو كل بوست عندي بيوصل ل 10 ولا 20 مليون … و100 ولا 200 الف منهم بس اتبرعوا هنقدر نجمع المبلغ ده .. .. اتبرع بأي مبلغ مهما كان.. هيساعد اننا ننقذ مستقبل وحياة رقية”.
فيما قالت الفنانة انجي خطاب عبر فيس بوك “انقذوها اتبرع حتي لو ب 5 جنيه علي رقم فوري وربنا يجعله في ميزان حسنتكم”.
وتتكفل بنوك مصر والاهلي و CIB بجمع التبرعات من المواطنين لمساعدة رقية املين في يمنحها الله سبحانه وتعالى الشفاء العاجل.