التخطي إلى المحتوى

محمد حنفي

حرص عدد من نجوم الفن المصري على دعم مواطنهم محمد صلاح نجم ليفربول الانجليزي بعد خسارة لقب دوري ابطال اوروبا امام ريال مدريد يوم السبت الماضي في باريس.

وقال السيناريست عمرو محموظ ياسين عبر فيس بوك “كل واحد شمتان في صلاح انا  شايفه شخص تافه و حقود و بس ..انا بعتبر صلاح ده زي اخويا الصغير اللي رافع راسنا و عمل المستحيل اللي ما يخطرش ع بال حد .. بحبه عشان رفع  اسم مصر واسم شباب مصر في الرياضة الاهم بالعالم .. عشان كده حتى وانا مدريدي عايز صلاح يكسب لاني بحسه اخويا الصغير !  بفرح بيه وافتخر بيه ..  ياسيدي شجعت مدريد اوك ماشي دي مشاعرك انت حر لكن بتشمت في صلاح ليه وهو منك  و طالع من وسطينا ربنا يشفي الناس الحقوده  اللي قلوبها سودا بقوا كتير قوي و بقوا حوالينا في كل مكان”.

وقال الفنان محمد هنيدي عبر فيس بوك “عارف لما بتبقى بتلعب بلاعب في البلاي ستشين وفجأة تلاقيك بتنافسه او اللاعب بعد ما اعتزل بيحلل اداءك في التلفزيون وبيوصفك بالافضل في منطقتك في العالم.

عشان كدة بقى عايز أقول حاجة … بقالي فترة بشوف “بعض” الشباب اللي بيحاول يسخر او يقلل من صلاح … يمكن يكونوا مابيحبوش صلاح او بيشجعوا فرق منافسه …من حقك ماتحبش صلاح وحقك تحب فريق منافس وتشجعه .. بس الفكرة ليه تقلل او تكره واحد قدر يعمل اللي ملايين كانوا بيشوفوه مستحيل؟ .. صلاح اللي كان بيسافر بالقطار كل يوم وينام في النادي ع الأرض وبدون واسطة قدر يصنع نفسه من الصفر … لغاية لما وصل انه بقى ينافس على الأفضل في العالم … صلاح زينا وشبهنا .. ماتولدش في بقه معلقه دهب .. قدر يكون مثال لأي واحد بيتعب وشايف انه حلمه وهدفه مستحيل يتحقق … صلاح مثال لأي شخص مجتهد وبيمر بظروف صعبة وحياة صعبة … مثال انك تقدر مش بس تكون الأفضل في بلدك … تكون الأفضل في العالم .. الفكرة مش في الشخص .. الفكرة في الفكرة نفسها … ان يكون عندنا شخص واشخاص طبعا في مجالات كتير تانيه زيه… قدروا يحققوا اللي انت واحنا كنا شايفينه مستحيل .. فالحب والتقدير لصلاح.. مش حب لشخص ..حب لفكرة ونجاح

وهاردلك لصلاح”.

وقال الفنان احمد رفعت عبر فيس بوك “سنعود قلبي معاك وانت خساره في كل الرعاع الشمتانين فيك ومش مقدرين قيمتك اللي بدونك كان اخرهم يتفرجوا علي ملخصات ميدو في سلتافيجو وتريكه في بني ياس سنعود يا فخر مصر والعرب وإن لم نعد فيكفيك المجد الذي صنعته بنفسك لبلدك ولنفسك وانت خارج من افسد منظومه رياضيه بحثت عن إفشالك بكل الطرق هارد لك”.